Aaj ka Sabaq no 62
Huquq ul Ibaad no 50
AAJ KA SABAQ by HAZRAT MUFTI ASIF LAAJPURI sb db
Aamal se Jannat milti hai Nasab se Nahi !!
28/11/2015 ko MAL-AKS-46, Huquq ul Ibaad Hissa No. 34 mein Nichche likhi Hadees Bataayee thee jiske aakhri Jumle par Hazrat Mufti Asif Laajpuri sb db ne Aaj Ka Sabaq diya gaya hai :
ab aage padhiye........
Mafhum e Hadees :
Ek Musalmaan ke liye Sirf itni Baat Kaafi nahin hai ke wo Dusre Musalmaan (ya koi bhi Insaan) ko Takleef Naa de aur uuspar Zulm aur Ziyaadati Na Karey aur uusko Izaa Rasaani se Bachaaye balke essey Badhkar Ek Musalmaan ka Kaam ye hai ke wo Dusre Musalmaan (aur har Insaan) ke Kaam aaye aur uuski Zarurat aur Haajat ko Apnee Istetaat ki Had tak Pura karey aur agar koi Musalmaan (ya koi bhi Insaan) koi Mushkeel aur Pareshaani mein Giriftaar hai toa uusko uus Pareshaani se Nikaalne ki Koshish karey toa ye Pareshani Dur karnewale par jo sakhti Qayaamat mein aane wali thi uusmein se Ek sakhti ALLAH Dur Farmaa detey hai aur jo koi kisi Musalmaan (ya Insaan ki) PardaahPooshee (aeb chhupaaye) karey toa Qayaamat ke Din ALLAH bhi PardaahPooshee karne wale ke Aeb aur Gunaah ki PardaahPooshee karenga !!
Jis Shakhs ke Amal ne uusko Pichhey kar diya (ya jo shakhs apney amal ki wajeh se pichhey rah gaya) toa Mahez uuska Nasab uusko Aage Nahin bada sakta...
(Mafhum e Hadees, AbuDawuud Shareef, Kitaab ul adab, Baab ul MuAakhaat, Raavi-Hazrat Abdullah ibn e Umar razi. )
es Hadees ke Aakhri Jumley ka ye Matlab hai ke Koi kitne bhi Badey Insaan ka Beta-Nawaasa-Pota ho ya Kitne bhi Badey Shaikh ka Mureed ho lekin agar wo Nek Amal nahin karenga toa sirf Apney Nasab ki wajeh se aage Nahin badhenga !!
. Nukta .
Badey Nasab ka Shakhs agar Zaher (poison) Khayenga tab bhi Mar jaayenge esee tarah Burey Aamaal Badey Nasab wale ko bhi Nuqsaan pahochaayenge, Aage badhne Nahin denge...Muttaqee ka Beta bhi agar Shirk karenga toa wo bhi Dozakh hi mein jaayenga !!
RaDd e MudDaaee: Sabaq ki Simaaet (audio) ki Aham Baaton ko is Parchey (pamphlet) mein shaameel karney ki har mumkeen koshish ki gayee hai Phir bhi is Parchey (pamphlet) ke Aq’s e Barqi (electronic image) se Ilm haasil karney se Pehle ya Baad mey Sabaq ki Simaaet (Audio) sunney ki Raaey hai...
Disclaimer : Every effort has been taken to transcript the intact data from Audio of the Sabaq, and framing it in a Electronic Image of the Pamphlet, but further more it is recommended to listen the Audio of the particular Sabaq before or after acquiring scholarship by this Pamphlet..
Disclaimer : Every effort has been taken to transcript the intact data from Audio of the Sabaq, and framing it in a Electronic Image of the Pamphlet, but further more it is recommended to listen the Audio of the particular Sabaq before or after acquiring scholarship by this Pamphlet..
Comments
Post a Comment